Léif fussballbegeeschtert Schülerinnen an Schüler,
Sidd dir interesséiert Iech als Equipe mat anere Lycéeën ze moossen. Wa jo, da kommt an d’Sportsektioun Fussball. Hei trainéiere mir all Dënschden fir eis op d’LASEL Competitiounen am Fussball/Futsal ze preparéieren. Am Laf vun engem Schouljoer fanne Championnater a verschidde Kategorien statt.
Fir d’Schouljoer 2019/2020 waren z. B. folgend Championnater geplangt:
- Trimester 1: Championnat Futsal Seniors (Joergang 2001 et av.) an Championnat Futsal Cadets (Joergang 2004-2005)
- Trimester 2: Championnat Futsal jeunes Filles (Joergang 2004-2008)
- Trimester 3: Championnat Futsal Minimes (Joergang 2006-2008)
Zudeem fënnt all 2 Joer eng Qualifikatiounsronn an eng Finalronn am Kader vum ISF (International School Federation) statt. Déi gëtt dobaussen op engem groussen Terrain (11 géint 11) gespillt. De Gewënner vun dem Tournoi geet dann an d’Ausland fir un den internationale Schoulweltmeeschterschaften deelzehuelen. De LCE hat an der Vergaangenheet och scho puer mol d’Chance, un sou engem groussen Event deelzehuelen, z.B. a Brasilien!
Besicht also eis Sportsektioun, maacht Reklamm an motivéiert Iech géigesäiteg, fir dass mir ëmmer eng flott Equipe fir d’Championnater zesummekréien!
Fir d’Sportsektioun Fussball: Pierre Lech a Jeff Bissen
Fussball ISF 18/19
Futsal Seniors 18/19
Futsall Cadets 18/19
